З мэтай папулярызацыі беларускай мовы і пашырэння сферы яе выкарыстання 30.04.2022 года вучні ДУА “Сталовіцкая СШ” сталі ўдзельнікамі падарожжа-віктарыны “Беларусь у маім сэрцы”. Вучні разгадвалі крыжаванкі, адказвалі на пытанні, адгадвалі імёны знакамітых асоб. У часе мерапрыемства прагучалі вершы класікаў беларускай літаратуры і сучасных аўтараў. Дадзенае мерапрыемства дазволіла пашырыць кругагляд падлеткаў, а таксама паглыбіць веды пра традыцыі, звычаі , культуры беларусаў. Мерапрыемства садзейнічала фарміраванню патрыятызму, павагі да гістарычнага мінулага, увагі да мастацкага слова, развіццю творчых здольнасцей. А задаволенымі засталіся ўсе: і настаўнік, і вучні!